נאכדעם וואס מען ענדיגט קריטיקירן פרעזידענט באראק אבאמא איבער העלט קעיר רעפארמען, איבער סטימולוס שפענדערייען, איבער גואנטאנאמא בעי, איבער זיין בירגערשאפט, איבער דזשי עם און די ליסטע גייט אן, האט די רעפובליקאנער-גענויגטע טעלעוויזיע סטאנציע "פאקס ניוז", וועמענס אגענדע איז גענצליך אנטי אבאמא, נישט געטראפן עפעס מיט וואס אנצופילן די ליידיגע שטונדן פאר די צושויער, זענען זיי אויפגעקומען מיט א געניאלן איינפאל: מען וועט דורכפירן א אנקעטע און אויספרעגן אמעריקאנער וואס זיי קלערן איבער אבאמא'ס רויכערןהיינט דאנערשטאג האט "פאקס ניוז" פארעפנטליכט די רעזולטאטן פון אן אנקעטע וועלכע זי האט דורכגעפירט, אין וועלכע זי האט, צווישן אנדערע פראגעס, געפרעגט פון אמעריקאנער צי זיי גלויבן וואס באראק אבאמא זאגט אז ער האט שוין אויפגעהערט רויכערן, צי זיי האלטן אז ער כאפט אריין באהאלטענערהייט א ציגארעטל דא און דארט אינעם ווייסן הויז
די רעזולטאטן זענען געווען שארף צעטיילט לויט פארטיי גרעניצן. רעפובליקאנער האבן קלאר געזאגט אז אבאמא כאפט ווארשיינליך א ציגארעטל שטילערהייט. ווידעראום דעמאקראטן האבן געזאגט אז זיי גלויבן אז דער פרעזידענט האט גענצליך אויפגעהערט זיין שלעכטן געוואוינהייט
עס איז לעכערליך און אמעריקאנער ציפן זיך די האנט צי זען צי זיי זענען נישט פארזינקען אין א טיפן חלום, אז די אנטי אבאמא פאדיום, אונטערן נאמען "פאקס ניוז" האט שוין נישט געהעריג וואס צו האמערן אויף אבאמא און מוז צוקומען צו קאכן א קאשע איבער דער פאקט אז אבאמא פלעגט אמאל רויכערן. ווארשיינליך וועט די קומענדיגע אנקעטע פון פאקס ניוז אנטהאלטן די פאלגענדע פראגע: האלט איר אז די אבאמא פאמיליע נעמט גוט קעיר פון זייער הינטל? אדער טראכט איר אז זיי פארנאכלעסיגן די פאראנטווארטליכקייטן וואס האבן א הינטל אין שטוב ברענגט
ס'נישטא ווער ס'זאל לאכן
I see u don't get it. Mr. News Reporter what Fox news is trying to do is to show the public what a bum is in the white house.
ReplyDeleteThis artical is very unmeture!!!
ReplyDeletei dont see the problem with taking such a pole,
ReplyDeletei understand that the station has to be an anti-obama station to do such a pole, but whats the problem? people are interested in such things,